| تبليغات | X |
اللهین آدینان
حسرت یاش اولوب ، گؤزله ره دولماخدادی ، دای گه ل
گؤز یاشلاری آخماخدا ، سئل اولماخدادی ، دای گه ل
هیجران توزو دونیانی قفس ته ک بورویوبدو
دونیا کیمی باغریم دا دارالماخدادی ، دای گه ل
هیجرینده گئچه ن لحظه له ری ، یانقیلی ساز ته ک
غم په نجه سی ، آه زه خمه سی چالماخدادی ، دای گه ل
سه ن سیز لیگه دؤزمه ک نه سایاق مومکون اولارمیش
دؤزدوم ، دؤزوموم جانیمی آلماخدادی ، دای گه ل
سال داغلارا های ، گؤیده بولوتلار دیله گه لسین
یارپاق کیمی وارلیق بویو سولماخدادی ، دای گه ل
یاتماز ، یولونو گؤزله ریم اولدوز کیمی گؤزله ر
گؤزله ر کؤکو حسرتده سارالماخدای ، دای گه ل
هر گون ( سحر ) آددیملاریوین ماهنیسین ایزلیر
آچمیش سحرین باغری قارالماخدادی ، دای گه ل
حمیده رئیس زاده ( سحر )